АШМ "Фермадан тұтынушыға дейін" қағидаты бойынша мал шаруашылығы өнімдерінің ашықтығын қамтамасыз етеді
Ветеринариялық қызметкер күні қарсаңында Қостанай облысының кәсіпкерлер палатасының алаңында цифрландыру мәселелері және ветеринария саласындағы өзекті мәселелер талқыланды. Іс-шараға ҚР АШМ, мемлекеттік органдардың өкілдері, жергілікті полиция қызметі, ветстанциялар, бизнес субъектілері қатысты.
Талқылау тақырыбы паразиттік аурулардың алдын алу, диагностикалау және емдеу, ветеринария мамандарының жаңа буынын даярлау мәселелері, ветеринария саласындағы инновациялық технологиялардың перспективалық бағыттары болды. Мұндай кездесулер бизнеске аталған мәселелердің маңыздылығын түсінуге көмектеседі, өйткені олар халықтың денсаулығына және елдің және аймақтың биологиялық қауіпсіздігіне байланысты.
Қостанай облысында 41 мал сою объектісі бар, олардың ішінде 6 ет өңдеу өндірісі фермадан тұтынушыға дейін өнімнің қадағалануын қамтамасыз етуге мүмкіндік беретін ветсанэкспертиза модуліне қосылған. Сараптама актісіндегі QR кодының көмегімен тұтынушы жануар туралы барлық ақпаратты ала алады.
ҚР АШМ Ветеринариялық қадағалау және бақылау комитеті Төрағасының м.а. Марат Мұхтаров өнімді қадағалау жүйесі барлық сауда орындарында қолданылатынын атап өтті. Биологиялық қауіпсіздік үшін малды, оның ішінде жеке аулаларды толық қамтуды қамтамасыз ету қажет.
Іс-шарада бейінді ведомствоның күн тәртібінде тұрған ветеринария үшін проблемалық мәселелер көрсетілген. Олардың бірі-қараусыз қалған мал, қазіргі заманғы талаптарға сай типтік ветеринариялық пункттер құру, жануарларды кремациялау үшін инсинераторларды қолдану.
Біз осындай кездесулерді әр сейсенбі сайын алаңымызда өткіземіз және олар өз тиімділігін көрсетті, өйткені кәсіпкерлер мемлекеттік органдардың басшыларына өз сұрақтарын тікелей қойып, оларға жауап ала алады, - деп атап өтті Қостанай облысы Кәсіпкерлер палатасының директоры Данияр Күзенбаев.
Соңында Қостанай облысы Кәсіпкерлер палатасының Өңірлік кеңесінің өкілі Қайрат Маишев және "Ауыл" партиясы филиалының төрағасы Нұркелген Өтеулин су тасқыны кезіндегі қажырлы еңбегі үшін ветеринариялық қызмет мамандарына алғыс хаттар табыс етті.
Пікір қалдыру:
Пікірлер: